വാർത്തകളും ലേഖനങ്ങളും
May 25, 2026
ഓപ്പറേഷന് തൂഫാൻ 2.0
ലഹരിവസ്തുക്കളുടെ ഉപയോഗത്തിനും വിപണനത്തിനുമെതിരെ പ്രതീകാത്മക പ്രതിരോധം തീർക്കുന്ന 'ഓപ്പറേഷന് തൂഫാൻ' പദ്ധതിയുടെ രണ്ടാം ഘട്ടത്തോട് അനുബന്ധിച്ചുള്ള 'ഓപ്പറേഷന് തൂഫാൻ 2.0 ' യുടെ പഞ്ചായത്ത് തല ഉദ്ഘാടനം വടക്കേക്കാട് പഞ്ചായത്തില് നടന്നു. പദ്ധതിയുടെ പ്രചാരണാർത്ഥമുള്ള ഔദ്യോഗിക പതാക ഉയർത്തി പഞ്ചായത്ത് പ്രസിഡന്റ് ജിൽസി ബാബു ചടങ്ങ് ഉദഘാടനം ചെയ്തു. വൈസ് പ്രസിഡന്റ് നബീൻ എൻഎംകെ പ്രതിജ്ഞാ വാചകം ചൊല്ലിക്കൊടുത്തു. വടക്കേക്കാട് പൊലീസ് എ എസ് ഐ സാജൻ വാളണ്ടിയേഴ്സിന് തൂഫാൻ ബാഡ്ജ് അണിയിച്ചു. സ്റ്റാൻഡിങ് കമ്മിറ്റി ചെയര്പേഴ്സണ്മാര്്, വാർഡംഗങ്ങൾ, ജീവനക്കാർ, ഹരിത കർമ്മസേന, സിഡിഎസ് കുടുംബശ്രീ പ്രവർത്തകരും പൊതുജനങ്ങളും ചടങ്ങിൽ പങ്കെടുത്തു.